મીરાં ચરિત્ર

અડગ પ્રેમભક્તિ

મીરાં લગ્ન પછી પણ રાજમહેલના વૈભવને ત્યજી કૃષ્ણના ભજન-કીર્તનમાં લીન રહે છે. રાણાજી દ્વારા મોકલાયેલો ઝેરનો કટોરો તેની અડગ શ્રદ્ધાના પ્રતાપે અમૃત બની જાય છે. વૃંદાવનમાં સ્ત્રીનું મુખ ન જોવાની ટેક રાખતા જીવા ગોસાઈને મીરાં કટાક્ષમાં સમજાવે છે કે બ્રહ્માંડમાં એકમાત્ર પુરુષ શ્રીકૃષ્ણ છે અને બાકી સૌ જીવો ગોપીઓ છે, આ સાંભળી ગોસાઈનો અહંકાર ઓગળી જાય છે.